XX. mendeko Euskararen Corpus estatistikoa

Testuingurua

Hilekoaren odola eta gorputzeko odola, biak, hilekoan oso bero daudela uste da.

Horregatik hilekoa duen emakumeari maionesak ez zaizkio ateratzen.

Hilekoak ematen duen beroa hain handia denez, arrautza eta olioa gatzatzea eragotzi egiten da: maionesa ez da itsasten.

Hilekoa duen andereak lan lehorra egin dezake, hau da, etxean edo etxetik kanpo likiduak ukitu gabe egin dezakeena.

Lana lehorra baldin bada, berotik hotzera pasatzeak (su handian kuzinatu eta haize hotzetara irteteak adibidez) hilekoaren odolari eta besteari ez die eragiten.

Gizonen fisiologiari buruzko usadiozko ikusmoldeen arabera, gizonek ez dute hilekoaren odolik eta odol gorri emankorrik.

Baina emakumeak ez duena dauka: odol zuriko esperma.

Zaila da gizonek sexu-heldutasuna noiz lortzen duten erabakitzea.

Gehienen ustetan gizonaren gaitasuna ez da denentzat nabarmentzen harik eta emakumeren bat gatzatzen ez duen arte.

Bai gizonentzat eta bai emakumeentzat, uste denez sexu-heldutasunaren zeregina gorputz osoan odola berotzea da.

Eta odol bero hori da ernaltzeko ezinbestekoa den odol zuria jariarazten duena.

Gizonak odol beroa eduki eta bere odol zuriak libre zirkulatzen duenean, espermak indarra duela esaten da, hau da, sortzeko indarra, ugalmena.

Uste denez, hogei eta hogeita hamar urte-bitartean egoten da odola beroena eta esperma indartsuena.

Adin horretako gizonak urduriagoak, biziagoak eta haserrekorragoak dira (...)